Josef Motzfeldt: Aalajangeeqataanngikkutta naalakkersuisooqatigiinneq avissaassaaq

- Kikkut Naalakkersuisuutinneqarnissaannut aalajangeeqataarusuppugut. Taama nunatsinni Inatsisartoqarnerup oqaluttuarisaanerani siullerpaallutik partii Naalakkersuisooqataasut Inuit Ataqatigiit Naalakkersuisooqatiminnut Siumumut taama piumasaqarput. Naalakkersuisooqatigiinneq annaanniarlugu taama piumasaqarlutik IA-p siulittaasua Aningaasanullu Naalakkersuisoq Josef Motzfeldt oqarpoq. Aalisarnermut naalakkersuisutut tunuartup Rasmus Frederiksen-ip ilassinnissutissanik atuivallaarsimanera Josef Motzfeldtip ima nalilerpaa:

- Narruttsaatigeqaarput Naalakkersuisooqatigiinni taama pisoqartarnera ulluinnarsiutinngoraluttuinnarmat. Kisianni Naalakkersuisooqatigiinni iliuuserineqarsinnaassut tassaapput inuit ataasiakkaat Naalakkersuinikkut anguniakkatsinni akornutaassappata peeraanni pitsaanerusoq, Josef Motzfeldt taama oqarpoq.

Inuit Ataqatigiit tamanna pillugu massakkut piumasaqarput.

- Naalakkersuisunngortitsiniarnerni naliginnaasumik illuatungerisatta Naalakkersuisunngortussatut siunnersuutaat ulloq manna tikillugu tusaatissatut tiguinnartarpagut. Piumasarisarput Naalakkersuisooqatitsinnut saqqummiutarput tassaavoq illuatungeriilluta Naalakkersuisunngortitassatsitut siunnersuutigisavut ataatsimoorullugit nalilersorneqartariaqarigut, Josef Motzfeldt erseqqissaavoq.

Piumaqasaqaammut Siumut isumaqataassangikkaluarpat Naalakkersuisooqatigiinneq avissaartariaqassasoq Josef Motzfeldt oqarpoq.

Piumaqasaat pillugu Naalakkersuisut siulittaasuat hans Enoksen ullumi oqaloqatigisimagini Josef Motzfeldt oqarpoq.

- Naalakkersuisut ataatsimiinneranni oqaluuserereerparput massakkullu Siumut siulittaasuanik oqaloqatiginninninni isumaqatigiissutigaarput Siulersuisuunernut saqqummiutissagipput Naalakkersuisussanik toqqaanerni illuatungeriit pinerit tamaasa isummersoqatigiittariaqartut tusaatissatut tigusiinnarnatik.

Naalaakkersuisooqatigiinerup kipitinneqannginnissaa sapinngisartik tamaat anguniassagitsik Josef Motzfeldt oqarpoq.

- Isumaqarpunga inuiattut Namminersulersimasutut Kalaallit inuiaqatigiit nutarterneqarnissaat nutarterusunnerat aqqutissanillu nutaanik nassaarsiorusunnerat peqataaffigisarput inuiaat isumaannik sorlaqarmat illersortariaqaripput.

Inuit Ataqatigiit naalakkersuisuusimasut marluk tunuartut taartissaannik namminneq piareersimasuuteqarlutik.

- Kikkut Naalakkersuisuutinneqarnissaannut aalajangeeqataarusuppugut. Taama nunatsinni inatsisartoqarnerup oqaluttuarisaanerani siullerpaallutik partii Naalakkersuisooqataasut Inuit Ataqatigiit naalakkersuisooqatiminnut Siumumut taama piumasaqarput. Naalakkersuisooqatigiinneq annaanniarlugu taama piumasaqarlutik IA-p siulittaasua Aningaasanullu Naalakkersuisoq Josef Motzfeldt oqarpoq. Aalisarnermut naalakkersuisutut tunuartup Rasmus Frederiksen-ip ilassinnissutissanik atuivallaarsimanera Josef Motzfeldtip ima nalilerpaa:

- Narruttsaatigeqaarput Naalakkersuisooqatigiinni taama pisoqartarnera ulluinnarsiutinngoraluttuinnarmat. Kisianni Naalakkersuisooqatigiinni iliuuserineqarsinnaassut tassaapput inuit ataasiakkaat Naalakkersuinikkut anguniakkatsinni akornutaassappata peeraanni pitsaanerusoq, Josef Motzfeldt taama oqarpoq.

Inuit Ataqatigiit tamanna pillugu massakkut piumasaqarput.

- Naalakkersuisunngortitsiniarnerni naliginnaasumik illuatungerisatta Naalakkersuisunngortussatut siunnersuutaat ulloq manna tikillugu tusaatissatut tiguinnartarpagut. Piumasarisarput Naalakkersuisooqatitsinnut saqqummiutarput tassaavoq illuatungeriilluta Naalakkersuisunngortitassatsitut siunnersuutigisavut ataatsimoorullugit nalilersorneqartariaqarigut, Josef Motzfeldt erseqqissaavoq.

Piumaqasaqaammut Siumut isumaqataassangikkaluarpat Naalakkersuisooqatigiinneq avissaartariaqassasoq Josef Motzfeldt oqarpoq.

Piumaqasaat pillugu Naalakkersuisut siulittaasuat Hans Enoksen ullumi oqaloqatigisimagini Josef Motzfeldt oqarpoq.

- Naalakkersuisut ataatsimiinneranni oqaluuserereerparput massakkullu Siumut siulittaasuanik oqaloqatiginninninni isumaqatigiissutigaarput Siulersuisuunernut saqqummiutissagipput Naalakkersuisussanik toqqaanerni illuatungeriit pinerit tamaasa isummersoqatigiittariaqartut tusaatissatut tigusiinnarnatik.

Naalaakkersuisooqatigiinerup kipitinneqannginnissaa sapinngisartik tamaat anguniassagitsik Josef Motzfeldt oqarpoq.

- Isumaqarpunga inuiattut Namminersulersimasutut Kalaallit inuiaqatigiit nutarterneqarnissaat nutarterusunnerat aqqutissanillu nutaanik nassaarsiorusunnerat peqataaffigisarput inuiaat isumaannik sorlaqarmat illersortariaqaripput.

Inuit Ataqatigiit Naalakkersuisuusimasut marluk tunuartut taartissaannik namminneq piareersimasuuteqarlutik.