Aningaasaqarnermut Nunanullu allanut Naalakkersuisoq, Josef Motzfeldt, ulluni makkunani ulapaarpoq.
EU-p ataani nunasiaasimasut pillugit aaqqissuussinermi OLT-mi nunat Josef Milaasortaasut ataatsimeeqatigiinnerat piareerniariarlugu Hong Kongimukarluni aallarpoq, nunat tamalaat niueqatigiinnikkut suleqatigiiffissuata, WTO-p, ministerinik arfinilissaanik ataatsimiitasitsinissaannut peqataajartorluni.
Nunarput WTO-mi Danmark aqqutigalugu ukiut qulit matuma siornatigut ilaasortanngortoq, malittarisassat naammassiniarlugit aappaagu suliniuteqalissaaq.
WTO-mi isumaqartoqarpoq nunatsinni tapiissutaasartut nunanut allanut paasinarnerusunngortinneqartariaqartut, tamannalu suliarujussuussasoq, Namminersornerullutik Oqartussat nittartakkaminni allapput.
WTO, nunarsuarmi niueqatigiinnerup eqaallisarneqarnissaanik sulissutiginnittuuvoq, maannakkullu nunani tamalaani akileraartarnikkut niueqatigiinnikkullu akit pitsaanerusut anguniarlugit isumaqatiginninniarnernik ingerlatileruttorluni.