Josef M: Ernumassutissaqanngilavut

Inatsisartut aappaagumut 2007-mut tunngatillugu aningaasanut inatsisissaattut naalakkersuisut siunnersuutaat, katillugit 373 millioni koruuninik amigartooruteqarfiussaaq. Tamanna aningaasanut inatsisissatut siunnersuutip ullumi saqqummiunneqarnerani erserpoq. Amigartoorutissarpassuarnut kina akiliissava? Uulia akitsoraluttuinnarpoq, taamarsuarlu amigartoornissaq taamaalilluni eqqasuutissarsiuiinnassannginnersoq Aningaasaqarnermut naalakkersuisumut, Josef Motzfeldtimut, apeqqutigaarput, imalu akivoq:

-Tassa uuliap akitsoriataarsinnaaneraana pakkersimaarniarlugu siunnersuutigineqartoq ukiuni tulliuttuni sisamani 1,1 milliarder koruunit erngup nukissiorfiliornermut atorneqassasut. Tassaasussaapput siunissami uuliap akianik naalagaqarpallaarata inuiqatigiinni ingerlanissatsinnut qulakkeerinnittussat.

Amigartoorutissarpassuit inuiaqatigiinnut tutsinneqarnissaat ernummatigineqarpoq. Tamatumunnga Josef Motzfeldt ima akivoq:

- 883 millioni koruuninik amigartoorutissanut sanilliutissavavut aningaasaliissutit siunissami ingerlatsinermut akikillisaasussat.

Assersuutigaa Utoqqarmiut Kangerluarsunnguanni innaallagissiornermut Nuummi innuttaasut 1 milliarder koruuningajassuarnik akileeqataasimanerat.

- Nunatsinni innaallagissap siunissami aalaakkaasumik akeqalernissaa siunertaralugu illoqarfiit anginerit innaallagissiorfinnik pisoqalisoortunik pillit siulliullugit aaqqissuussiffigalugit aallartissavavut. Nunaqarfiit ilanngullugit taama aningaasalersuinissap nanginneqarnissaa qularnanngilaq.

Josef Motzfeldt erseqqissaavoq, amigartoorneq akileraarutinik qaffaanermik kinguneqartussaanngitsoq.

Aammattarli nunatta karsiani 2 milliarder koruuninik sipaagaqarsimaneq Danmarkip nunatsinnut ukiumoortumik aningaasaliissutigisartagaasa ikilinerannik kinguneqassanngitsoq Josef Motzfeldt oqarpoq.

- Danmarkimi aningaasaqarnermut ministerit isumaqatigiinniaqatigisarsimasakka manna tikillugu arlaqalerput. Tamarmik ilisimavaat Kalaallit Nunaat, nunatulli allatut, aningaasaligassanik annertuunik isumagisassaqarmat, taamaammat taakku qanorluunniit mikitigisumik Danmarkip nunatsinnut aningaasaliuttagaanut sunniuteqarnissaat ilimanaateqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat