Josef Fritzl peqqissiminerminik ersersitsinngilaq
- Peqqissiminerminik ersersitsinngilaq, iliuutsimilu kukkusuunerat misigisimanngilaa. Paninilu pinngussatut pisimavaa, Christiane Burkhauser oqarpoq, Josef Fritzl-illu panimminik pinngitsaaliilluni arnerinerpassui innersuussutigalugit.
Josef Fritzl ilaatigut unnerluutigineqarpoq, toqutsisimasutut, pinngitsaaliilluni arnerisimasutut, qanigivallaakkaminik atoqateqarsimasutut, panimminillu ukiuni 24-ni naqqup ataani saviminernik matulersukkami mattusimanninnermigut kiffaanngissusiiaasimasutut.
Meeqqat arfineq marluusut naqqup ataani inunngortut tamakkerlutik uumaannanngillat. Josef Fritzl nassuerpoq, qanigivallaakkamik atoqateqarsimalluni, pinngitsaaliilluni arnerisimalluni aamma kiffaanngissusiiaasimalluni. Kisianni oqaatigaa meeraq ataaseq toqungalluni inunngorsimasoq, taamaattumillu kissarsuutikkut ikuallassimagini.
Josef Fritzl toqutsisutut pisuutitaassaguni, inuunini naallugu parnaarussassanngortinneqarsinnaavoq.