Jonathan Richter kallermit eqqorneqarpoq
Superligami arsaattartoq 24-nik ukiulik, Jonathan Richter, klubbimini FC Nordsjællandimi Hvidovrip arsaattarfiani Hvidovremut sungiusaatigalugu ippassaq unammitilluni kallerup inneranit eqqorneqarpoq.
juulip 21-at 2009 08:21
Arsaattartup nalunnginneqarluartup qanoq innera ullaaq manna suli oqaatigiuminaappoq.
Tassanngaannaq siallerujussualermat arsaattut tungaannut kallileriataarpoq.
Jonathan Richter eqqorneqarpoq, arsaateqataalu silaannaap naqitsineranit igeriussaallutik.
Hvidovrip Napparsimmaviani nakorsaaneq, Morten Lind, TV 2-mi nutaarsiassanut oqarpoq, Jonathan Richter ilisimajunnaaqqasoq, anersaartuummillu atortoqartoq.
Inuusuttunnguaq arsaattartoq sininnartutortinneqartuarpoq, timaalu 34 gradiinnarmik kissassuseqartinneqarpoq.
- Uummamminnik unittoortoqartillugu inatsisit maleruaqqasut malippavut, taamaammat timaa 34 gradiinnarnik kissassuseqartipparput, nakorsaaneq Morten Lind oqarpoq.
