Jonathan Motzfeldt Siumup siuttuini

Siumup siulersuisuunerisa ippassaq aalajangerpaat Jonathan Motzfeldt ulluinnarni aqutsisuni ilanngutissasoq. Taamatut aalajangerneq tupaallaataavoq, tassami Jonathan Motzfeldt Hans Enoksen-mut illuatungiliuttuulluni Jørgen Wæver Johansen-mut tapersersortitoqaammat.

Apeqqutaaginnalerporlu Siumumi siuttuuninngortut partiip iluani avissaartuuteqqanermi Jonathan Motzfeldt-mik kilitsissiaqalernersut. Jonathan Motzfeldt-ilu nammineq isumaqarpoq suleqatigiissinnaanermik isaassinerusoq.

-Ulluinnarni aqutsisuni ilanngunneqarnera uannut pitsaasumik pinninneruvoq, Motzfeldt oqarpoq. Jonathan Motzfeldt-ip suliniutigissallugit pingaartippai namminersulivinnissaq, bloktilskudinut tunngasut suliffissanillu pilersitsinissaq, nangillunilu oqarpoq Isumaqarluni pingaruteqartoq pitsaasumik namminersulivinnissamut isumaqatigiissummik peqalissalluta.

Aaliangernikuuvugummi taamaattumik peqalernissarput ukiut marluk qaangiuppata pigilissallutigu. Aamma isumaqarpuga bloktilskudinut tunngatillugu isumaqatigiissummik pitsaasumik peqartariaqarluta, suliffinnillu pilersitsinissanik suliniuteqartariaqarluta, Jonathan Motzfeldt naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat