Jonathan Motzfeldt-ip ilisaanera KNR-ikkut toqqaannartumik malinnaavigiuk
Tallimanngorpat novembarip tallimaani Jonathan Motzfeldt ilisaassaaq. Tusarnaartartut isiginnaartartullu tv-kkut radiokkullu ilisineq Hans Egedep Oqaluffianit nal. 12.50-imit 14.00-mut toqqaannartumik aallakaatinneqartussaq malinnaavigisinnaavaat.
Biskop Sofiannguaq Petersen ilisinermi oqaluussisuussaaq Naalakkersuisullu siulittaasuat Kuupik Kleist oqalugiaateqassaaq.
Oqaluffimmi uku tussiutaassapput:
Nr. 486 Sumunnarama nalunngilanga
Nr. 568 Aarlorfigissavat
Nr. 525 Qiimasuttuaannarit
Tamatuma saniatigut erinarsoqatigiit NIPI Annaassisoq tusartigut tamatta tussiassavaat, Iliveqarfimmilu uku tussiutaassapput:
Nr. 231 Jiisuserput uummarpoq
Nr. 540 Qaamammat maani