Jonathan Motzfeldt: Inissaaleqineq oqallisigineqarli

Inissianik, illunik, meeqqanut paaqqinnittarfinnik utoqqaat illuinik amigaateqarneq ima annertugilersimavoq, allaat Inatsisartunut Ilaasortaq Jonathan Motzfeldt misigisimalluni inissaaleqineq pillugu naalakkersuisunut ammasunik allakkatigut apeqquteqartariaqarluni, taamaalilluni naalakkersuisut Inatsisartunut erseqqissumik nassuiaasinnaaniassammata.
Allattoq Elisa Isaksen
marsip 16-at 2009 17:04

Nunatsinni inissaaleqinerup ajornatorsiutaanera annertusiartuinnarpoq. Ullumikkullu A/S INI naapertorlugu nunatsinni inissarsiortut 8700-ut missaanniipput. Qaqortuinnaq qiviassagutsigu inuit ataasiakkaat ilaqutariillu 349-t inissarsiortutut nalunaarsimallutik.

Pissutsit ilungersunarsingaarmata Inatsisartunut ilaasortap Jonathan Motzfeldtip maanna ammasunik allagaqarnermigut Naalakkersuisunut siunersuutigaa apeqqut pillugu inatsisartunut immikkut nassuiaateqassasut:

- Ullumikkut Nuuginnarmi Namminersornerullutik Oqartussani allanilumi atorfinittut ukiup affaaniit Ukiup aappaata aaffaata tungaanut utaqqiisaasunik inissiani najugaqartariaqartarput – initaarnissamik tungaanut. Inuinnaalli inissaminik utaqqisut suli sivisunerusumik utaqqisariaqartarput ilai allaat ukiut qulit sinnerlugit utaqqisariaqartarlutik. Jonathan Motzfeldtip ilanngullugu oqaatigaa naalakkersuinermik suliallit atuisunut attaveqarnitik pitsanngorsartariaqaraat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq