Jonathan Motzfeldt EU isornartorsiorlugu Folketingimi oqalugiarpoq

Issittoq pillugu Folketingimi ullumi ataatsimeersuartuni Jonathan Motzfeldtip oqalugiarami puisit amiinik EU-mut eqqusseqqusiunnaarsinnaaneq isornartorsiorpaa.
Allattoq Lotte Holm
marsip 31-at 2009 13:33

- Puisinniarnerup tungaatigut EU-p Kalaallit Nunaannut inussiarniitsumik iliuuseqartuarnera pissutigalugu isumaqarpunga EU-p Nunattalu akornanni avissaariartorneq ajoraluartumik aamma pilersinneqarsinnaasoq isumaqarpunga Jonathan Motzfeldt oqarpoq, nangillunilu:

- Uagut inukulunnguit tamaani teqeqqumut inissitaasutut ililluta, qinnuuloortutullu pissusilerluta oqaloqatigineqarsinnaasutut misigisimalersitaagutta, tamanna inuttut inuusaatsitsinni eqqarsartaatsitsinnilu ajortumik pigilersinnaavarput, uumissuinermik immaqa allaat kinguneqartissinnaallugu, naak taamaaqqunanngikkaluartoq. Taamatut erseqqissumik paasiumaneqanngittuassagutta, isumaqarpunga EU-p Kalaallit Nunaatalu akornanni matup avissaariartorneranik ajoraluartumik kinguneqarumaartoq, Jonathan Motzfeldt naggasiivoq.