Jonathan Motzfeldt: Angalaneq pissarsilluarfigaarput
Ataatsimiitaliaagallartup siulittaasuata Jonathan Motzfeldtip oqaatigaa angalanermi pissarsilluarsimallutik, suliffissuassallu avatangiisinut sunniuteqaatigisinnaasai eqqarsaatigalugit pilersaarusiortoqartariaqartoq, soorluttaaq erngup nukinga atorlugu nukiliorfissamut tunngatillugu taamaaliortoqartariaqartoq:
- Erngup nukiliorfissarujussuup avatangiisinut sunniuteqarnissaa qularnanngilaq, nukiliorfissamillu sanasussat najugaqarfissaat barakit eqqarsaatigalugit tamakku issittumut naleqqussarnissaat pingaaruteqarpoq. Taamaattumik avatangiisinut sunniutigisassai nalilersorluarneqarnissaat pingaaruteqarmat avaqqussinnaanngilarput, Jonathan Motzfeldt oqarpoq, nangipporlu:
- Avataaneersunik sulisoqarnissaq qularutiginngilarput, taannali eqqarsaatigigaluarutisuluunniit siunnerfigiuartariaqarparput sulisussanik Kalaallit Nunaanneersunik annerpaamik pissarsiniarnissaq, sulisussanillu ilinniartitsineq pingaaruteqarluinnartoq, Aluminiuliorfimmik pilersitsinissaq pillugu Inatsisartut Ataatsimiititaliarigallagaata siulittaasua Jonathan Motzfeldt oqarpoq.