Jonas Strømsted Danmarkimi boardercrossimik unammersuarnermi ajugaalluartoq

Snowboarderluni DM-ertoqarneqarani (Danmarkimi pissartanngorniuunnerit, aaqq.) boardercrossimik marlunngormat ajugaaniuttoqarmat ajugaasussaq qularineqarsimanngilaq. Jonas Strømsted ukioq kingulleq DM-imi ajugaasoq ukioq manna ajugaaqqippoq.

Ukioq kingullertut Norgemi aputilimmi Ringkollen Parkenimi unammersuaarneq ingerlanneqarpoq, AWG-milu sisamaria ajugaasoq Jonas Strømsted unammersuaarnermi unamminerit siulliit tamaasa ajugaaffigai, seniorillu ajugaaniutivinneranni anguneqarsinnaanani ajugaavoq. Henrik Lundilu normu 3-nngorpoq.

Bella Nielsen broadercrossimi DM-imi arnani ajugaavoq, kisimiilluni unammeqataalluni. Naasu Tremelilu skiercrossimi normu 2-nngorpoq.

Aamma atuaruk Snowboarderluni DM-ertoqarnerani kalaallit takutitsilluartut

Meino Pedersen seniorit skiercrosserneranni sølvinnappoq, juniorinilu kuultinnalluni Julius L. B. Sørensen sølvinnattoq.

Boardercrossimi skiercrossimilu unammisut -sisamat ataatsikkut aallartarput sisorarfissarlu sukkaniullutik sangusaajutigalutik tinngallattaajutigalutillu unammiffigisarpaat.

Danmarks Skiforbundip (Danmarkimi sisorartartut kattuffiat, aaqq.) rail jamimi, skiercrossimi boardercrossimilu videoliaat uani takukkit.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat