Johnny Bredahl pillugu ingerlariaqqipput

Københavnimi politiit tilluuttartup Johnny Bredahl-ip sakkortuumik saassunneqarnera pillugu paasiniaanerminni ullumi ingerlariaqqipput.

Angut 20-nik ukiulik isertitsivimmut parnaarunneqarpoq aamma angut alla tigusarineqarluni.

20-nik ukiulik ippassaq nammineerluni Amagerimi politiinut saaffiginnippoq. Unataanermi pasineqartoq siulleq – kalaaleq Danmarkimi feeriartoq – ataasinngormalli parnaarunneqarpoq politiillu aallaqqaataaniit ilimagaat sapaammi ullaakkut Københavnimi Strøgimi tilluuttartuusimasumik saassussinermini kisimiissimanavianngitsoq.

Johnny Bredahl puiaasamik niaqqumigut milorneqarnermigut orlutinneqarpoq. Politiit isumaqarput tamatuma kingorna unataasut kiinnaatigut isimmitsarsimagaat.

20-nik ukiulik matoqqasumik inatsit tunngaviusoq naapertorlugu killisiorneqareerneratigut ulluni 22-ni parnaarussassanngortinneqarpoq.

Angut Christianiamiittartoq unataanermi peqataasimasutut pasillugu tigusaraat. Taassuma parnaarussaanissaa aqagu piumasarineqassasoq nutaarsiassaqartitsivimmit Ritzaus Bureau-imit nalunaarutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat