Johnny Bredahl-ip saassussisuisa eqqartuunneqarnissaat kinguarteqqinneqarpoq
Nunarsuaq tamakkerlugu tilluunnermi pissartaasimasup Johnny Bredahlip saassunneqarneranut atatillugu eqqartuussinissaq kinguartinneqaqqippoq. Aviisimi politikenimi taama allaaserinnittoqarpoq.
Eqqartuussinissami angutit marluk 19-inik 21-nillu ukiullit Københavnimi Strøgimi decembarimi Johnny Bredahl-imik saassussisimasutut unnerluutigineqassapput. Decembarimi kalaallit inuusuttut marluk saassussisimasutut parnaarunneqarput.
Ullumikkut eqqartuussinissaagaluaq kinguartinneqarpoq, unnerluutigineqartut atisaanni aammit simernerit inuup sananeqaataanut ilisarnaatitut takussutissartaasa misissorneri suli naammassineqarsimanngimmata.
19-inik ukiulik nassuereerpoq Bredahl puiaasamik plastikiusumik niaquagut milorsimallugu, pineqaatissinneqarnissanili pinngitsoortinneqassasoq piumasaraa, tassa tilluuttartuusimasoq siulliulluni saassussisimammat.
21-nik ukiulik pinngitsuunerarpoq.