Savalimmiuni partiimi Danmarkimut qaninnerusumik ataniartumi, Sambandspartiimi ippassaq siulittaasussarsiortoqarmat, maannamut siulittaasuusimasoq Kaj Leo Johannesen qinigaaqqippoq.

Kaj Leo Johannesen Lagtingimi ilaasortamit Johan Dahlimit unammillerneqarpoq, qinersisinnaatitaasullu taasereermata paasinarsivoq Kaj Leo Johannesen 31-init taaneqarsimasoq, Johan Dahlilu 21-init taaneqarsimalluni.

Taasinerup inerneri paasinarsereersullu Johan Dahlip Sambandspartiimi ilaasortaanini eqqarsaatigeqqittariaqalernerarlugu oqarpoq.