Pisuussutinik uumaatsunik nunatsinni qalluisoqartarnissaanut iluanaarutaajumaartartussat ilanngarterneqaratik nunatsinnut tutsinneqartalissasut, Namminersorneq pillugu isumalioqatigiissitap suleqatigiissitaliaani ilaasortat tamangajammik isumaqatigiillutik inassuteqarnermikkut ukioq manna marsip qaammataani innersuussutigaat.
Inatsisartunulli ilaasortap, suleqatigiissitaliamilu ilaasortap, Johan Lund Olsenip, Inuit Ataqatigiinneersup, Danmark isumaqatigiissummit tunuartilernerarpaa.
- Soorunami taamaaliortoqarsinnaanngilaq, tunngaviusumik isumaqatigiissuteqartoqareerpoq, Johan Lund Olsen oqarpoq, nangillunilu:
- Aggustimi Nuummi ataatsimeeqqittariaqarnissarput tamatuma inernerivaa, siusinnerusukkullu isumaqatigiissutaareersimasoq taamaalilluta qulakkiivillugu qulakkeerniarneqarnissaa sulissutigisinnaalissavarput, Namminersorneq pillugu isumalioqatigissitap naalagaaffimmut eqqartuussiveqarnermullu suleqatigiissitaliaani ilaasortaq Johan Lund olsen taama oqarpoq.
