Johan Lund Olsen akivoq

IA sinnerlugu Inatsisartunut ilaasortaq Johan Lund Olsen attartortuunermit piginnittuunermut aaqqissuussineq atorlugu illusisimanini pillugu maanna tusagassiuutinut akissuteqarpoq.

Tatigisassaajunnaarsinniarneqartutut misigisimavoq aamma tusagassiuutit pisunut eqqortunut atatillugu nassuiaasimannginnerarpai.

IA-p nittartagaani allappoq, illu 683.000 koruunilerlugu pisiarisimasani ajorpallaaqimmat maanna sanasut 1,3 millioni koruunit nalinginut nutarteraat.

Tamatuma kinguneranik illu nutarterneqarnermi kingornagut 2 millionit koruunit missaanik akeqalerpoq.

Aammattaaq uparuarpaa AG-ip illup nutaamik qalialersorneqarsimaneranik nutaamillu iggavilerneqarsimaneranik allaaserinninnera ilumoortortaqanngitsoq.

Johan Lund Olsenip allaaserisaa tamakkerlugu atuarneqarsinnaavoq uani: www.ia.gl