Joe Biden suleqatigiinnissamut kaammattuisoq
Joe Bidenip Donald Trumpip præsidentiunerata kingorna Amerikami inuiaqatigiit akornanni avissaartuunnersuaq unitsinniassallugu ilaatigut oqaatigaa.
- Oqaloqatigiittariaaseq sakkortooq atorunnaartariaqarparput, immitsinnut qiviaqqittariaqarlutalu tusarnaaleqqittariaqarpugut. Alloriaqqissaguttalu unammilertivut akeqqatut pissusilersorfigiunnaartariaqarpavut, Joe Biden oqarpoq.
Joe Biden aquttoralugu allannguisoqarnissaa amerikamiut naatsorsuutigisinnaagaat DR-ip ilanngutassiortuata Steffen Gramip oqaatigaa.
Pisuujunerpaat akileraarutaat qaffanneqassaaq, USA silap pissusiata allanngoriartornerata akiorniarneqarnissaanut Parisimi isumaqatigiissummut ilannguteqqissaaq, peqqinnissaqarfeqarnermi sillimasiisarnermilu aaqqissuusseqqittoqassasoq Steffen Gramip nalilerpaa.
Trump nipaarluusoq
Donald Trumpip Amerikami qinersinerup inernera pisortatigoortumik suli oqaaseqarfiginngilaa.
Præsidentilli sulisui tapersersortaalu arlallit, Trumpip ajorsarnini siunersisariaqaraa Donald Trumpip sulisui qaninnerpaat AP-mut oqaatigaat.
Donald Trumpip oqalugiaammi sapaatip akunnerata tulliuani nassuerutigisariaqaraa tusarfiit ilisimaneqanngitsut siunnersuutigaat.Pissaanerup eqqissisimasumik tunniunneqarnissaa tusarfiit ilisimaneqanngitsut oqaatigaat.
Trumpip ningaava Jared Kushner qinersinerup inerneranik akuersaaqqususit ilagaat. Trumpip nuliata, Melania Trumpip uini tunuarnissaanik kaammattorsimagaa CNN-ip allaaseraa. Melania Trumpip qinersinerup inernera pisortatigoortumik oqaaseqarfiginngikkaluaraa isummani annissimavaa.
Republikanerini nuimasuni republikanerit sinnerlugit præsidentimut 2012-imi qinigassanngortittoq Mitt Romney siullersaalluni præsidentinngortussamut præsidentimullu tullersortinngortussamut, Kamala Harrisimut pilluaqqusivoq.