Joe Biden qinersinermi taaguunneqarnerpaasutut USA-mi præsidentit 46-ssarissavaat.Assi: Scanpix

Joe Biden præsidentissatut qinigaavoq

Joe Biden USA-mi præsidentissatut qinigaasoq, CNN-ip, NBC-p nutaarsiassaqartitsiviullu AP-ip missingersuutaanni erserpoq.

Demokratineersoq Joe Biden USA-mi naalagaaffinni Pennsylvaniami Nevadamilu taaguunneqarnerpaarpasimmat, USA-mi præsidentissatut qinigaavoq.

Tamanna CNN-ip, NBC-p nutaarsiassaqartitsiviullu AP-ip missingersuutaanni erserpoq. 

Biden qinersisartut sinnerlugit taasisartunik AP naapertorlugu 290-inik pissarsisimammat ajugaavoq. Præsidentinngornissamut qinersisartut sinnerlugit taasisartunik 270-inik pissarsisimasariaqarpoq.

Joe Biden qinersinermi taaguunneqarnerpaasutut USA-mi præsidentit 46-ssarissavaat. Maannamullu præsidentiusoq Donald Trump paarlappagu, USA taamaalilluni aatsaat taama ukioqqortutigisumik præsidentitaassaaq.

56-inillu ukiulik, Kamal Harris, Bidenip ajugaanerata ilutigisaanik USA-p oqaluttuarisaanerani arnani siullersaappaalluni præsidentimut tullersortinngussaaq.

- Nunaqqatikka, nunatsinni aqutsisussatut qinerassinga tulluusimaarutigeqaara. Suliassavut imaannaanavianngillat, imali neriorsorpassi:

- USA-mi tamassi præsidentiuffigissavassi - uannut qinersisimanersusi qinersisimannginnersusiluunniit apeqqutaatinnagu, Joe Biden Twitterikkut allappoq.

Trump Twitterikkut: Ajugaavunga

Donald Trumpip ajorsarnini miserratigaa. Taannami qinersinermi ajugaalluni Twitterikkut Danmarkip nalunaaqutaa naapertorlugu nalunaaqutaq tallimanut qiteqqunerata missaani allappoq.

- Qinersinermi uani ajugaavunga. Ajugaarujussuarpunga, taanna allappoq.

Naalagaaffiit naligiiffiukkajuttut ilaanni taasinernik kisitsinerit suli naammassineqanngillat, ukuusuni: Pennsylvania, Georgia, Nevada North Carolinalu. 

AAMMA ATUARUK USA-mi ullumi qinersisoqarpoq – apeqqutit pingaarnerit aajuku

Pennsylvaniami taasinernik kisitseqqittoqarataannaavoq. Donald Trumpimmi rebuplikanerit Pennsylvaniami oqartussat ullormi qinersiffiusumi allakkatigut taasinerit allakkatigullu taasinerit ullormi qinersiffiusumiit ullut pingasut kingorna tiguneqartut kitsinermi inernerusunut ilanngunneqarnissaannik akuersinerannik allanngueqqusinerat, USA-mi eqqartuussiviit qullersaannut anngunniarnerarpaa.

Donald Trump Pennsylvaniami marlunngormat qinersinermi siuarsimagaluarpoq. 

Illoqarfinnili allakkatigut taasinerit tiguneqartut amerliartornerat ilutigalugu kinguariartuinnarpoq, allakkatigummi taasisut amerlanerpaartaat Joe Biden qinermassuk.

Præsidentinngorniuttut naalagaaffiit ilarpassuini aamma naligiittorujussuupput, Georgiamilu taasinernik kitsitseqqittoqarataannaasoq aamma nalunaarutigineqarluni.

Kisitsineq sivisusoq

USA-mi nutaarsiassaqartitsiviit marlunngornermi qinersinermi ajugaasumik pisarnermit sivisuneroqisumik missingersuipput. 

Tamanna sivisuumik kisitsinermik kinguneqartumik amerikamiut amerlanerpaartaat ulloq qinersiffissaq sioqqullugu allakkatigut qinersinerannik ilaatigut peqquteqarpoq.

USA-mili naalagaaffiit ilarpaaluini taasinernik kisitsinermi inernerusut ima nalunanngitsigilersimammata, USA-mi nutaarsiassaqartitsiviit qinersinermi ajugaasumik missingersuinissaminnut tunuarsimaarunnaarsimapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat