Joannes Eidesgaard Islandimiitilluni imigassartorsimavoq
Savalimmiuni aningaasaqarnermut naalakkersuisunngoqqammersoq, Socialdemokratit siuttuat, Joannes Eidesgaard, Islandip nunanut allanut naalakkersuisua, Ingebjørg Gisladottir, ataatsimeeqatigereerlugu, pisortatigoortumik nereqatigiinnermut imigassartorsimalluni takkussimmavoq.
Allattoq Louise M. Kleemann
novembarip 26-at 2008 13:42
Islandimiut
Savalimmiormiut Islandimut 300.000 koruuninik atukkiinerannut atatillugu,
Joannes Eidesgaard sapaatip akunnerani kingulleq Reykjavikimiippoq. Atsioqatigiinnerup kingorna pisortatigoortumik nereqatigiinnermi Joannes Eidesgaard aalakuungaatsiarsimasoq, tusarfiit savalimmiormiut aviisiannut Dimmalættingimut oqarput. Kingorna inuttaa nammineq oqarpoq neriartunnginnermini imigassartorsimalluni kisianni aalakuungaatsiarsimanani.
Joannes Eidesgaard nereqatigiinnerup aqaguani timmisartumut Københavnimukartussamut inortuimmat timmisartup aallarnissaa kinguartinneqartariaqarsimavoq.
Pisoq Savalimmiut inatsisartuinut suliassanngortinneqareerpoq.
