Jiisusi tatsikkut pisunnani sikukkoorpoq
Genesaret-ip tasiata qaavatigut pisunnani sikulli qaavatigut pisulluni Jiisusip ajoqersukkani annaakkiartorsimagai, immap pissusaanik immikkut ilisimallip misissuinermini paasisorivaa.
Immap pissusaanik immikkut ilisimasallip, Florida State Universitetimilu ilisimatuup, Doron Nofip, Jiisusip sikukkut pisussimanissaa uppernarsaatissaqarsoraa. Jiisusip inuunerata nalaani Israelip avannarpasinnerusortaani sila allaanerusimavoq, tatsip Jiisusip ikaarfigisaata ilaa sikoqarsimalluni.
Immap Akullersuup qanoq kiatsiginera uuttortarlugulu, naatsorsueqqissaarnerit assigiinngitsut atorlugit, taseq Jiisusip pisuffigisimasaatut tusaamaneqartoq sikoqqasimassasoq, ilisimatuup uppernarsarsinnaallugu nalunaaruteqarpoq.
Jiisusi taamani inuummat silaannaq nillertuusimasinnaasoq taassuma eqqoriarpaa.
Issisiutip 0 gradi ataassimassappagu Jiisusi tatsikkut sikusimasukkut pisussimasinnaassaaq.
