Jiisusi sukkulaaq
Qiperugaq 1 meter 80-itut angitigisoq, sukkulaamillu sanaaq. Eqqumiigisassaanngikkaluarpoq, USA-mili inuit oqallittorsuupput.
Qiperugaq nuannarineqanngingaarmat eqqumiitsuliap saqqummersinneqarnissaa qunugineqarpoq.
Qiperugarmi tassaaniartussaavoq Jiisusi, kinguaassiuutitaalu aamma ilaatinneqarsimallutik. Tamanna USA-mi katuullit iluarinngivippaat, kristumiunillu ajuallatsitsiniarnertut nalilerneqarluni.
Katuullit oqaaseqartartuat oqarpoq poorskilersoq kristumiunik ajuallatsitsiniartoqartoq akuarsaarnanngilluinnartoq.
Qiperuisorli akerliliilluni oqarpoq kristumiunik ajuallatsitsiniarsimanani.
Kisianni USA-mi inuit oqallittorsuummata sukkulaamik qiperugaq saqqummersitsinissamit peerneqarsimavoq.