Nunat Avannarliit Atuakkiortunut nersornaasiuttagaannut novembarimi tunniunneqartussamut innersuunneqartunut 14-inut Jessie Kleemann ilaavoq. Assi: Grant Photo

Jessie Kleeman Nunat Avannarliit Atuakkiortunut nersornaasiuttagaannut innersuunneqarpoq

Nunat Avannarliit Atuakkiortunut nersornaasiuttagaannut Jessie Kleeman taalliaalu katersat 'Arkhticós Dolorôs' innersuussaannut ukioq manna ilaapput.

Atuakkiortoq saqqummiisartorlu Jessie Kleeman Nunat Avannarliit Atuakkiortunut nersornaasiuttagaannut 2022-mi innersuunneqarpoq.

Taalliani katersat 'Arkhticós Dolorôs', siorna saqqummersut  piukkunneqarneranut tunngaviupput.

Atuakkami sammisat assigiinngitsut soorlu anniaateqarneq, nunasiamiutut misilittakkat, Kalaallit Nunaata nunarsuarmioqatigiini inissisimanermigut qanoq issusia aamma nunarsuarmi silap kissaakkiartornera kalaallitsut, qallunaatut tuluttullu misissorpai. 

- Sammisat sakkortupput, kisianni aqunneqarsinnaanngitsumik qinngasaarerpasissumillu qungujunnartorsiorneq allagarisat iluanni sikuminersuarnik aatsitsisutut erserpoq, Nunat Avannarliit Siunnersuisoqatigiivi tusagassiorfinnut nalunaarummini

allappoq.

AAMMA ATUARUK Niviaq Korneliussen: Ajugaanissara naatsorsuutiginngikkaluarpara

 

Nunat Avannarliit Atuakkiortunut Nersornaasiutagaat

  • Nunat Avannarliit Atuakkiortunut Nersornaasiuttagaat 2022-mi 60-iliivoq.
  • 1962-imiit Nersornaasiuttagaq atuakkiornermi oqaluttualianut taallanulluunniit nunat avannarliit arlaasa oqaasiini allagaasumut tunniunneqartarpoq.  
  • Siunertarineqarpoq nunat avannarliit kulturikkut ataatsimoornerannut aamma nunat avannarliit avatangiisit pillugit  suleqatigiinnerannut soqutiginninnermik annertusaassalluni, ilutigalugulu suliniutit eqqumiitsuliornikkut avatangiisinullu  nuimasut akuersaarneqarnissaat.

 

Tigusiffik: Nordisk Råd/ Nunat Avannarliit Siunnersuisoqatigiiffiat

sprog.  1997-imi taalliani katersat siulliit saqqummersippai.

Jessie Kleemann 1959-imi Upernavimmi 
inunngorpoq. Isiginnaartitsisartutut 
assiliartalersuisartutullu ilinniarsi-
masuuvoq, aamma 1984-1991 Nuummi Eqqu-
miitsuliorfimmi pisortaalluni.

Niviaq Korneliussenip kalaallinit siullersaalluni Nunat Avannarliit Atuakkiortunut nersornaarsiuttagaat siorna pivaa. 

Jessie Kleemann Niviaq Korneliussenitut pineqassanersoq aatsaat ulloq 1. novembarimi Finlandip illoqarfiisa pingaarnersaanni Helsinkimi paasineqassaaq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl