Jess Svane: Atuartut nerisaqalernissaannik neriorsuuteqassanngilanga
- Ilulissat Kommuneqarallarmat inunnik isumaginninnermik ilinniarsimasunik atorfinitsitaqarami, meeqqanik maluginninniartartunik, arlaatigullu ajortoqartoq malugisaqaraangamik nerisitsinissamik neqeroortarput. Sulisut meeqqat ullut tamaasa oqaloqatigisinnaavaat, malugisaqarunillu iliuuseqarsinnaallutik, meeqqap nammineq oqaaseqarfigisinnaasaanik. Misilittagaq pitsaasuusoq paasivara, naatsorsuutigaaralu tamanna atuutsikkiartuaarneqassasoq, Jess Svane oqarpoq.
Borgmesteri aperaarput isumaginninnermik ilinniarsimasunik sulisoqarneq nerisaqartitsinermit pitsaanerussanersoq?
Angajoqqaarpassuit kissaatiginngilaat akisussaaffimminnik arsaarneqarnissartik. Taanna aamma ataqqisariaqarpoq.
- Massakkut nerisitsisoqarneq ajorpoq, aamma atuarfinni siulersuisut amerlanerit tamakkua eqqartoraangamikkit naliliisaramik, akisussaaffik angajoqqaaniittoq, Qaasuitsup Kommuniani borgmesteri, Jess Svane, oqarpoq.
