Jess G. Berthelsen: Ukioq 2012-imi namminersulersinnaavugut
Ukioq 2012-mi nunarput namminersulereersimasariaqartoq Sulinermik inuussutissarsiuteqartut kattuffiat SIK ataatsimeersuarluni ippassaq aallartimmat siulittaasoq Jess G Berthelsen oqalugiarami ilaatigut oqarpoq.
Nunatta namminersulernissaa pillugu qinikkat, partiit Naalakkersuisullu eqqarsaamik unitsitsigallarsimasut SIK-p siulittasua aamma isumaqarnerarpoq, siusinnerusukkut oqaatsit aninneqartartut eqqarsaatigalugit.
SIK-lu nalorninani ukioq 2012-mi Namminersulernissaq anguneqareersimassasoq eqqarsaatigineqarpoq.
Jess G Berthelsen-ip taamatut oqaaseqarnermini tunngaviginerarpaa massakkut namminersornerulernermiit ukiut 26-it qaangiukkaluartut suli danskit oqaasii nunatsinni, pingaartumik pisortaqarfinni atugaavallaarnerat, kalaallisuinnaq oqaasillit nunatsinni 30 procentiusut eqqarsaatigineqarpallaarnatik.
-Nunarput namminersulerpat Kalaallisut oqaatsit aqutsisuulissapput, Jess G Berthelsen oqarpoq.