Jess G. Berthelsen: Suliffinnik ataavartunik pilersitsiuarnissaq SIK-p suliassaanut pingaarnernut ilaavoq

SIK-p siulersuisuuneri immikkoortortaqarfinnilu siulersuisut marlunngorpat Qaqortumi ataatsimeersuarlutik aallartissapput, ukiunilu kingullerni 15-ni siulittaasuusoq Jess G. Berthelsen oqarpoq, oqaluuserisassanik pingaarnerusoqanngitsoq.

-Oqaluuserisassat tamarmik pingaaruteqarput, kisianni pingaarnerit ilagaat isumaqatiginninniarnernut tunngasut. Ilaasortatta ukiuni pingasuni tulliuttuni aappaaguminngaanniit ulluinnarni inuuniarnerannut annertuumik attuumassuteqarmata, tassanilu pisortanut privat-inullu isumaqatiginninniarnerit eqqartorneqarput, Jess G. Berthelsen oqarpoq.

Nunatsinni suliffissanik ataavartunik pilersitsisoqarnissaa aamma SIK-mit pingaartinneqarpoq.

-Nalunaarutitsinni pingaartutut oqariartuutiginiagarput ilaatigut tassaavoq, maannakkut nunarsuarmi suliffeqarfiit akikinnersiuillutik ilaatigut Kina-mut inissiiartornerisa kingunerisaanik aamma nunarput eqqorneqaleriartorami. Nunatsinnilu suliffinnik ataavartunik pilersitsiuarnissaq, isumaqarpunga SIK-p suliassaatut pingaarnernut ilaasariaqartoq. Pingaarnerpaajuvoq maani suliffiutillit, qamuuna iluunngareerlutik anersaaqarnissaat, nunatsinni suliffeqarfiit sapinngisamik pitsaanerpaamik ingerlanneqalersinnaanissaat. Taamaattumik suliffiutillit nunatsinnut tunniusimasut, ukiuni tulliuttuni pilersinneqarnissaat pingaaruteqaleraluttuinnarpoq. Siullermik pingaaruteqarpoq sapinngisamik suliffinnik maani nunatsinni aalisakkerinerup saniatigut pilersitsisoqarnissaa, aammalu sapinngisamik suliffeqarfinnut atugassarititaasut soorunami aamma pitsaasuunissaat pingaaruteqarpoq, Jess G. Berthelsen oqarpoq.

Namminersulivinnissaq, oqaatsit ineqarnermullu tunngasut aamma pingaartutut ataatsimeersuarnermi eqqartorneqassasut, Jess. G. Berthelsenip ilanngullugu oqaatigaa.

Jess. G. Berthelsen siulittaasutut qinigassanngorteqqinniarpoq, unammillertissaqassanersorli suli nalunarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat