Jess G. Berthelsen: Kalaalinngorsaaneq iluatsippallaanngilaq
Kalaalinngorsaaneq Naalakkersuisut siulittaasuata Hans Enoksenip naammaginartumik, pimoorullugu suliarisimanngikkaa, SIK-p siulittaasuata Jess G. Berthelsenip, Hans Enoksenip ulluni kingullerni oqaluuserineqarneranut atatillugu oqaaseqarpoq.
-Hans Enoksenip Siumup siulittaasuatut qineqqusaarnermini neriorsuutini eqquutsissimanngilai, neriuutigaarali Siumut tulliani ataatsimeersuareerpat Hans Enoksen siulittaasutut ingerlaannarsinnaassasoq, Jess G. Berthelsen oqarpoq.
Kalaalinngorsaaneq Jess G. Berthelsenip isumaa malillugu sunniuteqanngitsoorsimavoq avataaneersunit sulisorpassuaqarnera pissutaalluni, annermik Namminersornerullutik Oqartussat allaffeqarfissui eqqarsaatigalugit.
Jess G. Berthelsen-illi nassuerutigaa qaffasinnerusunik ilinniarsimasunik kalaallisullu oqaasilinnik suli peqalersimannginnerput.
- Tassuuna Ilimmarfik ilamasuffigissavarput, Jess G. Berthelsen oqarpoq.
