SIK-p siulittaasua Jess G. Berthelsen oqarpoq, aningaasanut inatsit 2007-moortoq ilinniartitaanermut tunngasunik pimoorussilluni iluarsaassinialersoq.
- Erngup nukissiorfiliornissat saniatigut aningaasanut inatsisissap pilersaarutai ingerlariaqqinnertut taaneqarsinnaapput.
SIK-p siulittaasua isumaqarpoq nunatsinni pisinnassuseq allaanerusumik isiginiarneqartariaqartoq, pisinnaasallu malillugit nunatsinnut tulluarsallamik ingerlatsisoqartariaqalersoq.
Assersuutitut taavaa, erngup nukissiorfiliornissani nunaqavissunik sulisoqarluni sanaartortitsinissaq.
- Erngup nukissiorfiliornerit nunatta siunissaanik takutitsisuupput, taamaammat sulisussanik aamma ilinniartitsineq ingerlaneqartariaqarpoq, Jess G Berthelsen oqarpoq.