Jesper Grønkjærip iviangequtitit peersinnaavai
![](/sites/default/files/styles/image_934x467/public/article_images/gronkjaer630.jpg?itok=BJj_JZx7)
Aliikkusersuinermi kakkukununnga tunngasut tikinneqarataannaapput angakkuartartoq Jesper Grønkjær Nuummi aliikkusersuilerpat. Tamanna pissaaq sapaatip akunnerata naanerani aggersumi.
Naagga, taannaanngilaq arsaattartoq Jesper Grønkjær, kisianni angakkuartartoq taamatoqqissaaq atilik.
- Kisianni suliagut assigiipajaarput. Ateera arsamik angakkuartarpoq uangalu allanik angakkuartarlunga, angakkuartartoq Jesper Grønkjær KNR-imut oqarpoq.
Taanna marloriarluni aliikkusersuissamaarpoq, aliikkusersuinerup aappaani meeqqanut minutsit 40-ut missaanni aliikkusersuissagami.
- Tasssani angakkuaqattaassaanga, klovniusaarlunga aammalu ballon-it atorlugit meeqqanut aliikkusersuissalunga, Jesper Grønkjær 2009-mi Nuummeereersimasoq oqarpoq. Aammagooq sineriammi illoqarfiit allat tikeraareernikuuai.
Inuttaata isertuutinngilaa inersimasunut aliikkusersuinermi kakkununnga tunngasut aamma tikinneaarsinnaammata. Aliikkusersuinerni allani arnat isiginnaariat iviangequtaat peertarsimavai.
- Inersimasunut aliikkusersuinermi aamma eqqarsaatinik atuaasinnaavunga torrutiinnarlugulu quiasaaralunga, Jesper Grønkjær ukiumut 200-ut missaannik aliikkusersuisartoq oqarpoq.
- Illoqarfiit allat tikikkusukkaluarpakka kisianni allanik suliassaqarama piaartumik Danmark-imut utertariaqarpunga allani aamma aliikkusersuisussaagama, oqarpoq.