Jerusalemimi aqqusinitoqarsuaq nassaaraat

Itsarnisarsiuut Jerusalemip tungaanut aqqut ukiunik 1.500-nik pisoqaassusilik nassaaraat, taamanersuaq angallannermi aqqutaalluarsimasoq.
februaarip 10-at 2010 09:58

Aqqusineq kristumiunit ilerfiartunit atorneqartarsimavoq nunallu iluartup nunap assiliornerani mosaik atorlugu assilineqartarsimalluni, taama Ritzau allappoq.

Aqquserngup ilamernga Jerusalemip pisoqartaani Jaffamut isertarfiup iluatungaani itsarnisarsiuut assaaneranni nassaarineqarpoq.

- Nunap qaleriissiterneri itsarnitsat piiareerlugit aqquserngup qalliutai 4,5 meterisut angitigisut tupigusuutigeqisatsinnik nassaaraavut, assaanermi pisortaq Ofer Sion oqarpoq.

- Aqquserngup angallaffiusup qeqqa nunap assingani Madabami nunap iluartup assiliornerani ilisimaneqartumi pisoqaanersaasumiittoq erserpoq, Sion oqarpoq. Madabami nunap assiliornera Jordanimi Ruumap naalagaaffissuata kangiani Gregorip iluartup oqaluffiata naqqani mosaikiliamiippoq.

Assaanermi itsarnisarsiuut aammattaaq qummuattamerngit aningaasallu savimerngit uuttuutillu bronzeusut nassaaraat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq