Tallimanngormat aporaattoqarmat inuit 200-nit ikinnerunngitsut aqqunartiterput, arfininngornermilu aporaattoqarmat inuit 100-t missaat aqqunartiterlutik.Assi: Emmanuel Dunand/AFP/Ritzau Scanpix

Jerusalemimi aporaattoqarnerani inuppassuit aqqunartitertut

Muslimit Jerusalemimi qinusarfiata Tempelbjergip eqqaani aporaattoqarmat inuit amerlasuut ambulancinik napparsimmaviliaanneqarput.

Muslimit Jerusalemimi qinusarfiata Al-Aqsa-moskép eqqaani aporaattoqarmat inuit amerlasuut aqqunartiterput.

Palæstiinamiut Israelimiullu akornanni aporaattoqarpoq, Palæstiinamiut akerliussutsimik takutitsisut politiillu akornanni aporaattoqarluni.

Palæstiinamiut politiillu Israelimeersut akornanni ataasinngornermi ullaakkut aporaattoqaqqilerpoq, Al-Aqsa-moskép eqqaani aporaattoqaqqilerluni. Inuit hunnorujulikkuutaat tassani tallimanngornermi arfininngornermilu aporaannerni aqqunartiterput.

Inuit hunnorujulikkuutaat politiinut tassani milloorput, Israelimiullu sakkutuui isumannaallisaaniat granatinik, gassimillu qulliliornartumik gumminillu aqerlulimmik eqqarlutik akerliussutsimik takutitsisut avissaartinniarsaraat.

Inuit aqqunartitersimasut amerlasuut ambulancinik napparsimmaviliaanneqarput.

AAMMA ATUARUK Palæstinamiut siuttuat Trumpimut itigartitsoq: Jerusalaat tuniniagaanngilaq

Juutit naalagaaffianni "Jerusalem Dagen"-imik taallugu Israelip Jerusalemimik 1967-imi tiguaanera malunnartinniarlugu ullumi ataasinngornermi ingerlaaqatigiittoqartussaasorlu eqqissiviilliortoqalerpoq.

Israelip Jerusalemip kangiata tungaa 1967-imi sorsunnermi tiguarpaa, Jerusalemillu kangia taamanikkulli oqartussaaffigilerlugu.

Tallimanngormat aporaattoqarmat inuit 200-nit ikinnerunngitsut aqqunartiterput, arfininngornermilu aporaattoqarmat inuit 100-t missaat aqqunartiterlutik.

Jerusalemip immikkoortuani Sheikh Jarrah-mi piffissami kingullermi eqqissiviilliortoqarpoq, Jerusalemitoqqap nalaani tassani Palæstiinamiorpassuit najugaqarput.

Israelimiut Palæstiinamiut Jerusalemip kangiani najugaqarfiinik tiguaanerat akerliuffiginiarlugit Palæstiinamiut akerliussutsimik takutitsilerput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat