The Jerrry Cans saqqummersitsisarfimmik pilersitsisut

Nunatsinni nuutinik saqqummersitsisartunik arlalinnik 1970-ikkunnili peqareersoq, Nunavummi nuutinik saqqummersitsisartoq siulleq ammarneqaqqammerpoq.
Assi © : thejerrycans.com
novembarip 11-at 2016 05:52
Nutserisoq Mads Lynge

Nunavummi nipilersullaqqissorpassuaqaraluarpoq, taakkuali saqqummersitaat CBC Radiop Canadalli kujasinnerusortaani saqqummersitsisarfitsigut saqqummersinnneqartarsimallutik.

Inuktitullu oqaatsit atorlugit saqqummersitat imatorujussuaq aningaasarsiutaasinnaasimanngillat.

Nipilersoqatigiilli "The Jerrry Cans" nuutinik saqqummersitsisarfimmik maanna pilersitsipput Aakuluik Musicimik ateqarluni, Iqalunnilu inissisimalluni.

Pop aamma rock aqqutigalugu Inuktitut saqqummersitat pingaarnertut aallutaraat, soorlu torlorsorneq inngernerlu saqqummersittalerniarlugit.

Aakuluk Musicip nuutinik saqqummersitsisarnissaata saniatigut tusarnaartitsinernik aamma aaqqissuisarniartoq, saqqummersitsisarfiup aqutsisuata Andrew Morrisonip aviisimut Tghe Gazette-imut oqaatigaa, najukkami nipilersortartut saqqummersitsisarnissaannut aamma ikiortarniarlugit.

Naggueqatigiit Inuit pop-imik 1980-imi nipilersuusiaat siulliit ujaareriarlugit aamma saqqummersinneqarnissaat Aakuluk Musicip aamma sulissutiginiarpaa.

Naggueqatigiit Inuit nipilersortartui ilisimaneqarluartut soorlu Charlie Panigoniak taamaalinikkut saqqummerseqqinneqarsinnaalissapput.