Jernlady toquvoq
Margaret Thatcher arnani siullersaalluni Tuluit Nunaanni ministeriuninngorpoq, ukiunilu untritilinni politikkikkut sunniuteqarnerpaajulluni, parteeqataa tusaamasaq Winston Churchill eqqaassanngikkaanni.
Ukiuni aqqanilingajanni ministeriuneruvoq, uteriitsuunini tunniutiinnarusuttannginninilu pillugit taaneqartarluni "Jernladyen".
Tuluit Nunaat aningaasarsiornikkut ajornartorsioqisoq 1979-imi aqulerpaa, ingerlaannarlu aningaasatigut aqutsineq sukannersoq aallartillugu.
Pisortat akilersungaat ikilileriffigineqarujussuarput, naalagaaffiup aqutai namminersortunngorsarneqarput, sulisartullu kattuffii pissaaneqaqisut pissaaniiangaallutik.
Naak aningaasarsiornikkut ingerlatsineq nuannarineqanngikkaluaqisoq Thatcher 1983-imi qinersinermi ajungaarujussuarpoq. Pissutigalugu ukiup siuliani Argentinamut sorsukkami Falklandsøerne Atlantikup kujataaniittut ajugaassutigigamigit.
Qinersinerni pingasuni ajugaavoq ukiunilu aqqanilinni ministeriunerulluni, naggataagullu nuannarineerulluinnarami 1990-imi tunuarluni.
Margaret Thatcher ukiuni uumaffimmini kingullerni takussaarpianngilaq. Arlaleriarluni qaratsamigut aanaartoorpoq utilersimallunilu.
2011-imi arnap aalajaatsumik pissusillip Thatcher-ip inuunera filmiliarineqarpoq "The Iron Lady" - Meryl Streep pingaarnertut inuttaralugu, torralaangaarami Oscar-innissutigisaanik.