Tuluit illuatungiliuttuni siuttuata, Jeremy Corbynip brexitimut pisussamut nalunaarusiaq tusarliuteqqusaanngitsoq tigummivaa.Assi: Yves Herman/Reuters/Ritzau Scanpix

Jeremy Corbyn: Johnsonip brexitimut pilersaarutaa peqquserluttuliortoq nalunaarusiamit takutinneqarpoq

Tuluit qinersinissaannut sapaatip akunneraajunnaartoq Jeremy Corbyn ministeriunermut Boris Johnsonimut saassusseqqippoq.

Tuluit illuatungiliuttuni siuttuata, Jeremy Corbynip brexitimut pisussamut nalunaarusiaq tusarliuteqqusaanngitsoq tigummivaa.

Tamanna Tuluit Nunaanni illoqarfiit pingaarnersaanni Londonimi tallimanngornermi oqalugiarnermini oqaatigaa.

Corbynip oqarnera naapertorlugu nalunaarusiap Boris Johnsonip EU-mit aninissamut pilersaarusiaa Tuluit Nunaannut ”aserorterisumik” sunniuteqassaaq.

AAMMA ATUARUK Tuluit inatsisartunut qinersisussanngortut

- Johnsonip brexitimut isumaqatigiissutaa nunap ilarujussuanut aserorterinermik sunniuteqassasoq matumani ersarissumik takutinneqarpoq, illuatungiliuttut partiiata siulittaasua Corbyn oqarpoq.

Ministeriunerup Johnsonip tuluit sapaatip akunnerata tulliani qinersinissaat sioqqullugu ”brexit naammassiniarlugu” oqariartuutigaa.

AAMMA ATUARUK Tuluit aviisii: Inatsisartunut qinersinissaq oqaluttuarisaanermi aalajangiisuussaaq

Corbynilli taassuma oqaaserisaa paatsiveerussaataanerarpaa. Corbynip tallimanngornemri oqalugiarnermini Johnsonip pilersaarutaa ”peqquserluttuliornerusutut” ilaatigut taagorpaa.

Tuluit sapaatip akunnerata tulliani sisamanngornermi decembarip aqqaneq-aappaanni qinersissapput.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat