Jeremiassen § 37 naapertorlugu pingasunik apeqquteqaqqippoq

Kristian Jeremiassen Siumumeersoq politikerit akornanni Naalakkersuisunut apeqquteqarnerpaajusartut ilagaat. Qaleralinnut saarullinnullu akuersissutinik tunniussiniartarnerup arriippallaarnera tamatumuuna apeqqutigaa.
Allattoq Peter Troelsen, Simon Uldum
oktobarip 24-at 2013 05:48

Jeremiassenip paaserusuppaa sooq qaleralinnut saarullinnullu akuersissutinik tunniussiniartarneq taama arriitsiginersoq, Naalakkersuisut nutaat atuutilernerinit qaleralinnut saarullinnullu akuersissutinik nutaanik qassinik tunniussisoqarsimanersoq kiisalu inuusuttut qassit akuersissutinik nutaanik saarullinnut qaleralinnullu itigartinneqarsimanersut.

- Qaleralinnut saarullinnullu akuersissummik pissarsiniarneq aalisarnermut pisortaqarfiup arriippallaamik suleriuseqarnera pissutigalugu sivisusoq nalunngilara. Assersuutigisinnaavara augustili aallartilaartoq saarullinnut akuersissummik qinnuteqartoqarpoq sulilu akissutisinani, isumaqarpunga suleriaaseq isornartoqartoq arriippallaamik sulisoqarnera pissutigalugu, Kristian Jeremiassen nassuiaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq