Jeremiassen § 37 naapertorlugu pingasunik apeqquteqaqqippoq
Jeremiassenip paaserusuppaa sooq qaleralinnut saarullinnullu akuersissutinik tunniussiniartarneq taama arriitsiginersoq, Naalakkersuisut nutaat atuutilernerinit qaleralinnut saarullinnullu akuersissutinik nutaanik qassinik tunniussisoqarsimanersoq kiisalu inuusuttut qassit akuersissutinik nutaanik saarullinnut qaleralinnullu itigartinneqarsimanersut.
- Qaleralinnut saarullinnullu akuersissummik pissarsiniarneq aalisarnermut pisortaqarfiup arriippallaamik suleriuseqarnera pissutigalugu sivisusoq nalunngilara. Assersuutigisinnaavara augustili aallartilaartoq saarullinnut akuersissummik qinnuteqartoqarpoq sulilu akissutisinani, isumaqarpunga suleriaaseq isornartoqartoq arriippallaamik sulisoqarnera pissutigalugu, Kristian Jeremiassen nassuiaavoq.