Jensine Berthelsenip tunuarnera Augusta Sallingip ajuusaarnartuutippaa

- Jensine Berthelsenip Atassummiit tunuarnera tusaatissatut tiguara, taama oqarpoq nuna tamakkerlugu Atassummi siulittaasoq, Augusta Salling.

-Ajuusaarnaraluarpoq, kisianni pisimasut tunngavigalugit nammineq toqqaannartumik politikkikkut sulisinnaajunnaarnini pissutigalugu partiiminngaaniit tunuarluni tusagassiortutut ingerlaqqinnissani qinersimavaa, taannalu tusaatissatut tiguinnartariaqarparput, tassa qanoq iliuuseqarfigisinnaanngilluinnaqqissaarparput,

Augusta Salling oqarpoq.

Taanna aamma oqarpoq, Atassummi eqqissiviilliortoqanngilluinnartoq.

Jensine Berthelsen Nuummi Atassutip immikkoortortaani siulittaasuugaluarpoq, siulittaasussamillu nutaamik pissarsiortoqassasoq Augusta Salling oqarpoq. Ilaasortanik nutaanik takkuttoqartuaannartoq ilanngullugu oqaatigaa.

– Nukiit nutaat pinngorartuarput, tamakkulu pingaarluinnaqqissaarput Atassutip iluani atorluarlugit piorsaanissamut.

Atassummi ilaasortaasimasut katillugit pingasut maannamut tunuarsimalerput, Augusta Salling oqarpoq partiip iluani nutarterisoqartoq.

- Partiip ingerlaqqinnerani partiip nukittorsartuarnera soorunami suliarineqarpoq, minnerunngitsumik septemberimi ataatsimeersuarnissatsinnut piareersaatit ingerlanneqarmata , taamaattumik aamma pingaarpoq atorfilittatigut piaartumik aaqqiiniarnissarput, Augusta Salling naggasiivoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat