Jensine Berthelsenip Landsdommeri uparuarpaa

Apriilip arfineq pingajuanni kommunimut qinersinissamut Atassutip Jensine Berthelsen qinigassanngortippaa, ullaaq mannalu aviisip Sermitsiap allaaseraa Jensine Berthelsen kommunimut qinersinermi qinigaassagaluaruni qinigaasinnaanngitsutut Nunatta Eqqartuussisuunerata Søren Søndergård Hansen naliliiffigisimagaa.
marsip 19-at 2008 11:37

Jensine Berthelsen aperaarput taamatut nalilerneqarnini qanoq isumaqarfigineraa.

- Uanga nammineerlunga paasisinnaanngilluinnarpara qinersineq sioqqullugu Nunap eqqartuussisuunera sooq inunnut ataasiakkaanut tunngasunik nalilersuinersoq, Jensine Berthelsen oqarpoq.

Taassuma Nunap eqqartuussisuuneranut eqqaasitsissutigerusuppaa 2005-imi kommunalbestyrelsemut qineqqusaartoqalermat sassannginnermini Nunap eqqartuussisuunera isumasioqqaarsimagamiuk.

- Nunap eqqartuussisuunerata erseqqiivissumik oqarfiginikuuaanga ima; inuit illit iliuuserisimasanniit ajornerusumik iliuuseqarsimasut kommunalbestyrelsemiissinnaappata taava illit sasasrnissat akornutissaqanngilaq, Jensine Berthelsen oqarpoq.

Taanna nangilluni erseqqissaavoq qinigaasinnaanermut ataatsimiitaliap nalileereernerata kingorna oqaloqatigeqqissimagini.

- Oqaloqatigeqqikkanni erseqqissaateqaqqippoq siunissami sassarnissannut qunussanngitsunga, oqarpoq.

Taassuma massuaatigaa, Nunap eqqartuussisuunerata siumoortumik eqqartuuttutullusooq pinninnera akuerisinnaanngikkini.

Jensine Berthelsen aamma oqarpoq Nunap eqqartuussisuunera saaffigissagini oqaloqatigiittarsimanerminnik eqqaasinniarlugu.

Jensine Berthelsenip qineqqusaarnissani suli aalajangiusimanerarpaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq