Jensine Berthelsen atsioqataanngikkaluarluni suleqatigineqassaaq

Jensine Berthelsen Nuup kommunalbestyrelsianut Atassut sinnerlugu kisimiilluni isertoq, Nuup kommunalbestyrelsiani isumaginninnermut ataatsimiititaliamut ilannguppoq.

Tusagassiorfinnik katersortitsinermi Nuummi kommunalbestyrelsinngortut nutaat Siumut Inuit Ataqatigiillu isumaqatigiissuteqarlutik atsioqatigiinneranni, tupaallannartumik Atassummeersoq Jensine Berthelsen isumaginninnermut ataatsimiititaliamut ilannguppoq. Jensine Berthelsenip ataatsimiititaliamut ilanngutsinneqarnini atorluarniarpaa.

Jensigen Berthelsen oqarpoq Atassummiit pingaartissimagitsik Nuummi isumaginninnikkut pissutsit suleqataaffigissallugit, aarleqqutiginngilaalu tusaaneqarluarniarnissani, takusinnaareeramiuk isumaginninnermi suliniarnissat anguniagassallu assigiissuseqartut.

Atassutip suleqatigiumaneqarnera Jensine Berthelsenip Atassummit atsioqataanngikkaluarlutik borgmesterimit suleqatigiumaneqarneq qujassutigiinnartariaqarnerarpaa.

Jensine Berthelsen 133-nik taaguunneqarluni Nuup kommunalbestyrelsianut iserpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat