Jens Rohde tunuarniuteqalerpoq
Allattoq Mads Lynge
septembarip 07-at 2006 07:24
Danmarkimi partiit annersaanni, Venstremi, politikkikkut oqaaseqartartoq, Folketingimilu ilaasortaq Jens Rohde, TV2-p radioqarfeqarfissaani pisortatut atorfininnini pissutigalugu politikkimit tunuarnialerpoq.
Venstrep Folketingimi ilaasortaatitaasa ullumi ataatsimiinnissaanni tamanna nalunaarutigineqarumaartoq, TV2-p ilisimatitsissutigaa.
- Jens Rohde-p politikkimit tunuarniuteqarnerani partii Venstre politikkikkut oqaaseqartartumik pikkorissumik annaasaqarpoq, atorfittaarnerali nuannaarutigaara, statsministeri Anders Fogh Rasmussen oqarpoq.
Venstremi politikkikkut oqaaseqartartussaq nutaaq ullumi toqqarneqassaaq.
