Naalakkersuisunut ilaasortaasimasup Jens Napaattuup naalakkersuisuunermi nalaani ilassinnissutinik atornerluisimanini pillugu eqqartuunneqassasoq ullumi aalajangerneqarpoq. Nunatta eqqartuussiviani eqqartuussisut qullersaat Søren Søndergård Hansen radioaviisimut oqarpoq, Jens Napaattooq Nunatta Eqqartuussiviani novembarip ulluisa 26-anni killisiorneqassasoq, taavalu ulluni tallimani eqqartuussisoqassaaq . Jens Napaattuup naalakkersuisuunermi nalaani neriniartarfinni imerniartarfinnilu qaaqqusimasai inuit 25-t uppernarsaasutut aggersarneqassapput. Amerlanerit Nuummi najugaqarput, sinnerilu Nuup avataaniittut isiginnaarut videokonference atorlugu killisiorneqassasut, Søren Søndergård Hansen oqarpoq. Neriniartarfinni imerniartarfinnilu ilassinnissutinik atuinerit sulinermut atatillugu atorneqarsimanersut, suliamulluunniit attuumassuteqannginnersut takussutissaqarput.
Sapaatip akunnnerani kingullermi Jens Napaattuumut suliaq eqqartuussivimmi aallartinneqarpoq ullumilu eqqartuussisoqarnissaa pillugu aalajangertoqarluni.
