Jens Napãtôk' pillugu eqqartuussisutigut suliassaq aallartippoq

Naalakkersuisuunermi nalaani aningaasanik atuipilussimasutut Jens Napãtôk' Namminersornerullutik Oqartussanit unnerluutigineqarpoq.
Allattoq Mads Lynge
novembarip 26-at 2007 13:58

Naalakkersuisunut ilaasortaasimasup, Jens Napãtôk'-p aningaasanik atuipilussimanera pillugu eqqartuussineq Nuup Eqqartuussiviani ullumi aallartippoq. Sermitsiaq nittartakkamini taama allaaserinnippoq.

Ineqarnermut Angallannermullu Naalakkersuisuutilluni Jens Napaattooq, Siumumeersoq, ilassinninnermut aningaasanik atugassaminik atuipilussimasutut Namminersornerullutik Oqartussaniit unnerluutigineqarpoq.

Jens Napãtôk' Naalakkersuisuniit 2005-imi tunuartitaavoq, paasineqarmat Københavnimi arnat mattarterlutik qitittarfianni aningaasanik Landskarsip akiligassaanik atuisimasoq.

Landsdommeri Søren Søndergård oqarpoq, eqqartuussinissamut ullut tallimat piffissaliunneqarsimasut.