Jens Møller qimmerinnerpaatut toqqarneqarpoq
Jens Møller Qeqertarsuarmeersoq nunatsinni kusanarnerpaanik qimmeqarpoq. Jens Møllerip 40-nik ukiullip qimmii nunatsinni kusanarnerpaatut toqqarneqarput Avannaata Qimussersuata ingerlanneqarnerani.
Allattoq Mads Lynge
marsip 31-at 2008 07:10
- Toqqagaanerat assut tulluusimaarutigaara. Assorujuk pingaartippara qimmima paarilluarnissaat. Nakkutigeqqissaartappakka aammalu nerisaat allanngorartittarlugit, Jens Møller Sermitsiamut oqarpoq.
Naliliisartut isumaqatigiilluinnarlutik Jens Møllerip qimmii toqqarsimavaat.
Jens Møller ullumi makkunani Uummannamiippoq Avannaata Qimussersua-nngorniunnermi sapaatip-akunnerata naanerani ingerlanneqartumi peqataalluni. Jens Mølleri normu 14-iugaluarluni qimmerinnerpaanini tulluusimaarutigisinnaanngorpaa.
