Jens Lyberth marloqiusatut inissisimasoraat

Sullissiviup Nuup pisortaa Jens Lyberth Sullissivik Nuummut marloqiusamik inissisimasimanerpa? Imaluunniit? Apeqqutit tamakku nunami namminermi pissutsinut allaffeqarfiup akissutissarserusukkai, taakani allaffiup pisortaata Leif Scharlingip oqaatigaa.

”Siullermik kommune-p iluani ittutut inissisimasinnaanngilaq, tassami taamaassappat aatsaat kommune-mi atorfeqaqqaartussaavoq. Kommune-llu iluani ittutut inissisimatinneqarsimaguni taava marloqiusatut inissisimasimassaaq.

Taanna aperaarput, marloqiusatut Jens Lyberthi inissisimasimassappat suna ajornartorsiutaanersoq.

”Marloqiusatut inissisimaneq tassaavoq, sullivinni marlunni atorfeqartitaaneq. Taavami taakkunannga arlaat unneqqariffiginerussavaa?

Kommune-mi atorfeqarsimaguni taava soorunami kommune unneqqariffigisussaavaa, illuatungaatigut namminersortutut siunnersortitut inissisimaniaruni taava aamma tassunga unneqqariffiginnissaaq taassumalu soqutigisai aallullugit.

Leif Scharling erseqqissaavoq, akissarsisitsinermut atorfinititsinermullu inatsit paragraf 65-p malinneqarnissaa pingaaruteqarluinnartoq, tamannalu tunngavigalugu namminneq maanna taama oqaaseqarlutik. Kommunemigooq inatsisit uniorlugit ingerlasussaanngimmat.

Leif Scharling aperaarput tamakku tamarmik qulaarneqassagaluarpata taava naggataagut politiit akuliutsinniarneqarnersut.

”Tassunga tunngasortaa, kommunep aalajangigassaraa, uagummi politiilersuussinerit akuleruffigisassarinngilagut”, Leif Scharling oqarpoq.

Jens Lyberth radio aviisimut oqarpoq, tamanna pillugu oqaaseqassaguni eqqartuussissorisani aqqutigalugu aatsaat oqaaseqarsinnaalluni. Taanna isumaqarnerarpoq, pisut tamakku tissinarsigaluttuinnartut