Napparsimasut katsorsartinniartillutik napparsimmavissuarmut Rigshospitaliliartinneqartartut ilaqutaasa ajornannginnerusumik ikiorserneqartalernissaat, inatsisartuni ippassaq ataatsimiinnermi Demokraatinit apeqquteqaatigineqarpoq.
Siumut sinnerlugu oqaaseqartinneqartoq, Jens Lars Fleischer, isumaqarpoq assigiinngisitsisoqassanngitsoq, napparsimasulli Nuummut katsorsartikkiartortartut assinganik aamma pineqartariaqarsorai.
- Nunatsinni sinerissatsinni najugaqartut aamma Nuummut kattorsartikkiartortarput, Rigshospitaliliartussat kisimik eqqarsaatigineqartariaqanngillat, Siumumiit isumaqarpugut assigiinngisitsisoqartariaqanngitsoq. Taamaattumik pingaartorujussuuvoq naligiissumik pisoqarnissaa, Inatsisartuni ilaasortaq, Jens Lars Fleischer, oqarpoq.