Jens Kruse pinerluuteqarsimasut inissinneqartarfiannut uterpoq
Allattoq Mads Lynge
aggustip 21-at 2007 11:33
Nuummi politiit nalunaarutigaat ujaarineqartoq 27-nik ukiulik Jens Kruse, aggustip ulluisa 17-ianni tigummineqarallartussanngorluni eqqartuussaareerluni qimaasimagaluartoq, pinerluuteqarsimasunik inissiisarfimmut utersimasoq.
Jens Kruse sapaatip akunnerup naanerani qimaareernermi kingorna politiinit ujaarineqaraluarpoq. 27-nilli ukiulik pinerluuteqarsimasunik inissiisarfimmut unnuaq marluk missaanni utersimasoq Nuummi politiit ilisimatitsissutigaat.
