Jens Immanuelsen: Suliffeqarfiup biiliinik suliffiup avataani atuisarneq qanoq nakkutigineqarpa?
Suliffeqarfiit biiliutaat suliffiup avataatigut atorneqarnerminni akileraarutaasartussaanerat eqqarsaatigalugu, biilit suliffiup avataani atorneqartartut akileraaruteqaataasussaanerat qanoq nakkutigineqartiginersoq, Siumut sinnerlugu Inatsisartuni ilaasortap Jens Immanuelsenip paaserusuppaa, biilit suliffiup avataani angerlaallugit paarineqarnerini qanoq nakkutigineqartiginersut paaserusullugu.
Allattoq Inge S. Rasmussen
juunip 17-at 2015 10:46
Nutserisoq Mads Lynge
- Suliffeqarfiit biiliisa suliffiup avataani atorneqartarnerat qanoq nakkutigineqarnersoq paaserusuppara, privatimik atuinermi akileraartussaaneq eqqarsaatigalugu isumaqarama nalunaarsuineq tamakkiisumik nakkutigineqanngitsoq, Jens Immanuelsen, Naalakkersuisunut apeqquteqaateqarnermini ilaatigut taama tunngavilersuivoq.
Biilit aqqusinernut illoqarfinni assigiinngitsuni akileraarutaat immikkoortillugit naatsorsorneqartarnersut naatsorsorneqarsinnaanersullu taassuma aamma paaserusuppaa. Jens Immanuelsen, Inatsisartut Aningaasaqarnermut Akileraartarnermullu Ataatsimiititaliaanni aamma siulittaasuuvoq.
