- Pujoralaat tassanngaanniit ungasinngitsumut teqqaasarumaarlutillu toqunartunik akoqarnavianngillat. Tassani uumasut takornartaanngitsut (soorlu nattorallit eqaluillu) naasulluunniit qaqutigoortut akornusersorneqarujussuarnatillu sunnerneqarujussuarnavianngillat.Assi: KNR / Malik Brøns

Jens Immanuelsen aalisarneq Tanbreezillu aatsitassarsiorfissaa pillugit: Akornusersuunnavianngillat

Tanbreezip Killavaat Alannguanni aatsitassarsiorfissaa Kangerluarsummi aalisarnermut akornutaanavianngitsoq, aalisarnermut, piniarnermut nunalerinermullu naalakkersuisoq isumaqarpoq.

- Tanbreez aatsitassarsiulissappat Kangerluarsummi aalisartoqarsinnaajunnaassasoq, aalisarnermut, piniarnermut nunalerinermullu naalakkersuisup Kujataani angalanermini Narsarmi aalisartunut ilaatigut oqaatigaa.

Inuit Ataqatigiinnit Inatsisartuni ilaasortaq, Stine Egede, §37 naapertorlugu apeqquteqaammini taama allappoq.

Tamanna ilumuunngitsoq paatsoornerusorlu, Jens Immanuelsen akissummini allappoq.

Tanbreezip Qaqortup eqqaani aatsitassarsiulersaarnera

 

  • Tanbreez Kujataani Killavaat Alannguanni nunaminertami 18 kvadratkilometerisut annertutigisumi aatsitassarsiornissamut akuersissuteqarpoq.
  • Aatsitassarsioqatigiiffik, Tanbreez, saffiugassamik qaqutigoortumik eudialytimik piiaassaaq.
  • Aatsitassarsiorfimmi ujaqqerivik saffiugassiassamik ukiumut 500.000 tonsimik piiaaffiusassaaq.
  • Ukiuni 30-ni piiaanissamut akuersissuteqarpoq.

Tusarfik: Naalakkersuisut / Kommune Kujalleq

- Tanbreezip suliniutaa avatangiisinut sunniutaasinnaasunik naliliinermut 2013-imi nalunaarusiami (ASN) nassuiarneqarpoq. Avatangiisit atortussanik toqunartulinnik akoorutissanilluunniit mingutsitsisinnaasunik mingutsinneqarnissaat naatsorsuutigineqanngitsoq ASN-imi nassuiarneqartoq, naalakkersuisoq allappoq.

Australiamiut aatsitassarsioqatigiiffiat, Tanbreez, Qaqortup eqqaani Killavaat Alannguanni aatsitassarsiornissamut akuersissuteqarpoq.

Aatsitassarsioqatigiiffiup Tanbreezip aatsitassarsiorfimmik pilersitsinissaminut aatsitassarsiornissamut matusinissamullu pilersaarusiornissamut akuersissuteqarfigineqarnissani amigaatigiinnalerpaa.

Aatsitassarsiorfeqalissappat Kangerluarsummi aalisartoqarsinnaajunnaassasoq, Jens Immanuelsenip Narsami aalisartunut oqaatigisimagaa, Inuit Ataqatigiinnit Stine Egede allappoq.

Killavaat Alannguat Kangerluarsuup qinnguani kuup kapisilinniarfiusartup eqqaaniippoq.

Tassanili aalisartoqarsinnaajunnaarnissaa naalakkersuisup akissummini ilumuunnginnerarpaa: 

- Pujoralaat tassanngaanniit ungasinngitsumut teqqaasarumaarlutillu toqunartunik akoqarnavianngillat. Tassani uumasut takornartaanngitsut (soorlu nattorallit eqaluillu) naasulluunniit qaqutigoortut akornusersorneqarujussuarnatillu sunnerneqarujussuarnavianngillat. 

- Taamaammat Killavaat Alannguanni aatsitassarsiorneq aalisarnermik nunalerinermillu inuussutissarsiortunut ASN-imi paasissutissat naapertorlugit akornutaarujussuassangatinneqanngilaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat