Jens Geisler toqukkut qimaguppoq
Inatsisartuni ilaasortaasimasoq Jens Geisler sivisuumik napparsimareerluni, Københavnimi angerlarsimaffimmini unnuaq toqukkut qimaguppoq.
Allattoq Elisa Isaksen
februaarip 12-at 2010 16:23
Inuit Ataqatigiit 1970-ikkut qiteqqunneranni naalakkersuinikkut suliniaqatigiiffittut aallartisarneqalermata Jens Geisler suleqataavoq. Aamma taannaavoq siullerpaalluni Inuit Ataqatigiit sinnerlugit qinigaasoq, tassa 1979-imi Aasianni kommunalbestyrelsimut qinigaagami.
Kingusinnerusukkut 1983-imi Inatsisartunut qinigaavoq 1989-illu tungaanut ilaasortaalluni. Jens Geisler 58-inik ukioqarluni toqusoq, eqqumiitsuliortutut taalliortutullu aamma ilisimaneqarpoq.