Ateq: Jens-Christian Jacobsen
Partii: Demokraatit
Ukiut: 26-t
Ilinniagaq/suliffik: Niuernermik ilinniarfimmi allaffimmiutut 2018-imi ilinniagaqalerpoq, suliffimmik aallarniisoq, 2017-imi Paju.gl-imi pilersitsivoq.
Inuttut inissisimaneq (ilaquttat/meeqqat): Aappaqarpoq, pingasunillu ukiulimmik erneqarluni.
Sunngiffimmi soqutigisat: Aallarniisutut niuernissamut isumassarsiornissamut sunngiffiga atortarpara, nunatsinni innuttaasunit nuannarineqartunik pilersitsisinnaaneq nuannarisaraara.
Folketingimut qinigaassaguit pingaarnertut sulissutigerusutatit pingasut suuppat?
Danskit minnerunngitsumillu danskit meerartaat nunarput pillugu ilisimasaqarnerulernissaat anguniassavara, assersuutigalugu meeqqat atuarfianni Kalaallit Nunaat pillugu atuartitsisarnerup annertusineratigut.
Danskit naalagaaffiata nunatsinnut tunngasunik akisussaffitsik aningaasalersugartik attatiinnassavaat.
Nunarput Danmarkilu naligiinnerusumik ingerlassapput, assersuutigalugu Danmarkimi inuussutissarsiortut nittarsaassillutik angalanerini nunatsinni suliffeqarfiit niuerfinni soqutiginaateqartuni nittarsaanneqartassapput.
Kalaallit Danmarkimi najugaqartut pitsaasumik inuuneqarnissaat qanoq ilillutit qulakkeerinneqataaffigisinnaaviuk?
Kalaaleqaterpassuagut Danmarkimi najugaqartut paasiniaaffigerusuppakka, peqqutillu qitivia paasiniassavara sooq Kalaallit Nunatsinnut uteqqinngitsoortarnersut. Paasisallu aallaavigalugit Demokraatiniit Inatsisartut qanimut suleqatigalugit Kalaallit Nunatsinnut angerlartinnissaat anguniassavara. Nunatta arriitsumik inuerukkiartornera takusinnaallugu annernarpoq. Taamaammat sapinngisamik qanimut attaveqarnikkut suleqateqarnikkullu kalaallit Danmarkimiittut angerlarusussuseqalernissaannik kajumissuseqalersikkusuppakka.
Folketingimut qinigaassaguit statministerissatut sorleq tapersersussaviuk?
Demokraatiniit uagut kina ministeriuninngussanersoq akuliuffigerusunngilarput. Misilittakkattami takutereerpaat apeqqutaavallaanngitsoq kina ministeriunerunersoq. Nunarput pillugu suleqataarusuttumik suleqateqarnissaq Demokraatiniit nukigut atorusuppagut.