Jens-Christian Chemnitz toquvoq
Vicebiskoppi soraarneq Jens-Christian Chemnitz arfininngormat septemberip 17-ianni sivikitsumik napparsimareerluni Danmarkimi eqqissilluni toquvoq.
Jens-Christian Chemnitz-iugaluaq 1935-imi Qeqertarsuatsiaani inunngorpoq, ataatagigalua aatagigalualu aamma palasiusimapputtaaq.
Jens-Christian Chemnitz Qeqertarsuatsiaani Alluitsumi Sisimiuni Danmarkimilu meeraasimavoq.
Palasitut suliffigisimavai Sisimiut, Danmarkimi ilagiit, Illoqqortoormiut, 1971-imiit 73-imut Danmarkimi Haarlev-imi palasioreerluni 1973-imi Kalaallit Nunaata provstiatut ivertinneqarpoq. 1980-imilu nunatsinni siullersaalluni vicebiskoppinngortitaavoq 1984-imi Danmarkimut uternissi tikillugu vicebiskoppitut sulivoq. Vicebiskoppitut sulinerata nalaani nunatsinni provsteqarfiit pingasut pilersinneqarsimapput.
Danmarkimullu uterami 1995 tikillugu palasitut sulivoq.
Jens-Christian Chemnitziugaluup nunatsinni ilisimatusarfeqanngikkallarmat palasinngornianut ilinniarfeqalernissaa sunniuteqarfigisimaqaa. Taamatuttaaq Ilisimatusarfeqalermat teologitut ilinniartitaanissaq nutarteriffigeqataasimallugu.
Toqunissilu tikillugu biibilip nutserneqarnera siulittaasuuffigisimavaa.
Jens-Christian Chemnitz Danmarkimi Solrødip oqaluffiani tallimanngorpat septemberip 23-ianni nalunaaqutaq ataatsinut ilisaassaaq.
