Jens Bjerge 2015-imi timersullammattut toqqarneqarpoq
- Tanngassimaarnaqaaq taama pineqarnissaq ilimaginngikkaluarlugu tanngassimaarnarpoq, Jens Bjege oqarpoq.
Aamma atuaruk Kalaallit Nunaat Hawaii Ironmanimut siullerpaamik peqataatitaqarpoq
Nunarsuaq tamakkerlugu Ironmanimut anngunniunnermi Københavnimi aggustip qaammataani 50-nit 54-inut ukiullit unammineranni Jens Bjerge normu 4-nngorpoq taamaalillunilu Hawaimi unamminermi oktborimi ingerlanneqartumi peqataalluni.
Jens Bjergep timersullammattut toqqarneqarnissaanut timersoqatigiit kattuffiannit innersuunneqarpoq
- Soorunalimi tupaallannalaarpoq, kisianni timersullammattut toqqarneqarnissamut innersuunneqarnikuugama ilimagisimavara taamaattoqariasaartoqarnissaa, tanngassimaarnaqaaq tupannarpoq aamma Katuami nersornaasiisoqarmat inuppassuit akornanniilluni sungiusimanarpallaanngilaq, Jens Bjerge oqarpoq.
Timersuutip triathlonip nunatsinni aallunneqarnerulernissaa timersullammattut nersornaaserneqartup neriuutigaa.
Aamma atuaruk Jens Bjerge Hawaiimi Ironman VM-imi unammeqataavoq
Timersullammattut toqqarneqartup, timersullammattut toqqarnermigut neriuutigaa nunatsinni - timersuutip triathlonip tusaamaneqarnerulerneranik aallunneqarnerulerneranillu kinguneqarumaartoq, timersuut trithlon nunarsuarmi aallunneqarnera annertusigami, Jens Bjerge taama oqarpoq.
Jens Ove Heilmann Sisimiuni arsaattartut peqatigiiffianni S-68-mi sungiusaasoq sungiusaasuullammattut nersornaaserneqarpoq, Christian Lauersen Nuummi arsaattartut peqatigiiffianni B-67-mi aqutsisoq, aqutsisuullammattut nersornaaserneqarpoq.
Jens Bjerge 50-nik ukioqalereeraluarni timersortarnini unitsinnianngikkallarpaa.
Ukiup tulliani Københavnemi Ironmanik unamminissamut peqataanissani pilersaarutigaa.